31.8.09

சில சந்தேகங்கள்......

இன்று தொ.கா வில் சமையல் நிகழ்ச்சி ஒன்றை பார்த்துக் கொண்டிருந்தேன். 'அவ்தென்டிக் பிரியாணி' பார்க்க ருசியாய் தெரிந்தது . எண்ணை தான் சற்று அதிகமாக இருந்தது. அடுத்து செய்த சமோசா , அதுவும் நன்றாய் தான் இருந்திருக்க வேண்டும் . நிகழ்ச்சி தொகுப்பாளர்கள் வழக்கம் போலவே அருமையாய் இருப்பதாய் சொன்னார்கள்.தொடர்ந்து இது போன்ற நிகழ்ச்சிகளை பார்க்கும் எனக்கு ஒவ்வொரு முறையும் குறிப்பிட்ட சில சந்தேகங்கள் எழுகின்றன.

1. சமையல் பொருட்கள் அனைத்தையும் சமைப்பவரே கொண்டு வர வேண்டுமா அல்லது வேறு யாராவது அதற்கு பொறுப்பேற்றுக் கொள்வார்களா?

2. சமைத்து முடித்த பிறகு ,ஸ்பூன் வைத்து தொகுப்பாளர்கள் எச்சில் படுத்திய உணவை அவர்களே சாப்பிடுவார்களா அல்லது மற்றவர்களுடன் எச்சில் படுத்தாத பகுதிகளை பகிர்ந்துக்கொள்வார்களா? அப்படி அவர்களே சாப்பிட்டு முடித்தால் , நிகழ்ச்சி (தொடராக இருக்கும் பட்சத்தில்) முடிவதற்குள் பெருத்துப் போக மாட்டார்களா?

3. தொகுப்பாளர்களே சாப்பிடும் பட்சத்தில், விதவிதமாக சாப்பிட வாய்ப்பு கிடைக்கும் இந்த வேலைக்கு அதிக போட்டி இருக்குமா?

4. சமைக்கும் எல்லா உணவுகளும் ருசியாகத்தான் இருக்குமா? ருசியாக இல்லாத போதும் மலர்ந்த முகத்துடன் 'ஆஹா.... ஸ்ஸ்... அருமை ' என்று சொல்லித்தான் ஆகவேண்டுமா?

5. அதிகமாய் வெட்டி வைத்த வெங்காய , தக்காளிகளை வாங்கிக் கொடுத்தவர்களே திரும்ப எடுத்துக்கொள்வார்களா ? அல்லது தொ.கா. நிலைய அல்லது பக்கத்திலிருக்கும் கேண்டீன் எதற்கேனும் கொடுத்து விடுவார்களா ? இல்லை என்றால் படைப்பாளர்களோ , சமையல் செய்பவரோ அல்லது அனைவருமோ பங்கு போட்டுக் கொள்வார்களா?

இந்த கேள்விகளுக்கான பதில்களை அறிந்துக்கொள்ள ஆசையாய் இருக்கிறது.

2 comments:

Charu said...

1. In Podhigai, may be, participants have to bring. Most private channels, most sponsors do sponsor for this too...
2. They use different spoons and changing spoon scene is cut while broadcasting the program
3. Nowadays, most programs have judges and they eat.. Probably the item would be shared with the whole team (1 spoon each??!)
4. Not necessarily. Most reality shows, they show such things. Even if the performance is poor, judges & hosts have to say "I can't believe it! wonderful! awesome!" :) :) :)
5. No idea. They might even waste it!! Who knows?!

HVL said...

@ charu
:)