11.1.10

காட்சிப்பிழை



இமைக்கும் நொடியினில்
நடந்தே விட்டது ...

அவைதனில்
பெரியோர் பலரிருந்தும்
உற்றார் உடனிருந்தும்
எதிர்க்க எவருமின்றி – அது
நடந்தே விட்டது !

மாணிக்கப் பரல் சிதற
கண்களில் அனல் பறக்க
வார்த்தைகள் நெஞ்சறுக்க
கண்ணகியாள் தொடுக்கும்
கேள்விக்கணைகள்
எரிதழல் தாங்கி
மோதித் தெறிக்கின்றன நாற்புறமும்!

பொசுங்கும் வாடை மூக்கிலேற்றி
செவ்வழல் கோயில் பற்ற
அச்சமென் மெய்யுலுக்க
மூர்ச்சித்து
வீழ்ந்தேன்
படுக்கையிலிருந்து

சொப்பனம் ஈதென்று
உணர்ந்தேன் இலகுவாய் !
தீர்த்தம் அருந்தி மீண்டும் துயில

மயக்கம் தெளிந்தது...

மயானமாகிக் கொண்டிருந்தது
மாமதுரை!
மறுபடி துயிலெழும் ஆர்வத்தோடு
எரிந்துக் கொண்டிருக்கிறேன் .......

(கோயில் – கோ + இல் (அரசனின் இல்லம் ,அரண்மனை))

(குறிப்பு : உரையாடல் கவிதை போட்டிக்காக...)


சிதைவுகள்...: உரையாடல் கவிதைப் போட்டி

4 comments:

சக்தியின் மனம் said...

வெற்றி பெற வாழ்த்துகள்

சக்தியின் மனம் said...

வெற்றி பெற வாழ்த்துகள்

சக்தியின் மனம் said...

வெற்றி பெற வாழ்த்துகள்

HVL said...

நன்றி சக்தி!