18.2.10

அர்த்தமுள்ள கிறுக்கல்





“இந்த சுவத்துல யார் கிறுக்கினது? எத்தன வாட்டி சொல்லுறது , சுவத்துல கிறுக்காதீங்க , கிறுக்காதீங்கன்னு!”

“நான் இல்லம்மா !”
படுத்த படி காலைச் சுவற்றின் மீது வைத்து ,காலில் இருந்த அழுக்கையெல்லாம் சுவற்றில் தேய்த்த வண்ணம் பதிலளித்தாள்
பிங்கு.

“அம்மா ! உண்மையா நான் இல்ல “, குரல் மட்டும் வந்தது , அடுத்த அறையில் படித்துக்கொண்டிருந்த ஓவியாவிடமிருந்து.

“சின்ன பசங்கல்லாம் பொய் சொல்ல மாட்டாங்கம்மா!”

“நானும் பொய் சொல்லலம்மா!”

என் கணவர் பக்கம் திரும்பி

“ இதை யார் வரைஞ்சான்னு தெரியல , ஆனா எவ்வளவு அழகா இருக்கு பார்த்தீங்களா ? இந்த கோடெல்லாம் அருமையா இருக்கு , ஆனா என்ன வரைஞ்சிருக்காங்கன்னு தான் புரியல!” என்றேன்.

சட்டென்று பதில் வந்தது பிங்குவிடமிருந்து

“அம்மா! , இது கூட தெரியலியா? இது தான் டைஜெஸ்டிவ் ஸிஸ்டம் .(அக்காவிற்கு சொல்லிக் கொடுக்கும் போது கவனித்தது) பாரு பல்லு கூட வரைஞ்சிருக்கேன்.”

“எங்கப்பா?”

“மேலே ரெண்டு பக்கமும் இருக்கு பார். அதிலிருந்து ட்யூப் வழியா (கல்லட்டின் பெயர் தெரியவில்லை) பூவா வயித்துக்கு வருது. அதுக்கு கீழ ஸ்மால் இன்டஸ்டைன் (இதன் பெயர் மறக்கவில்லை!). வயத்துல தொப்புள் கூட வரைஞ்சிருக்கேன் பார்!” வயிற்றின் அடிப்பகுதியில் ஒரு பெரிய புல்ஸ்டாப் சைஸுக்கு அது இருந்தது (படத்தில் தான்!).
என்ன, வயிறு தான் கொஞ்சம் சின்னதாக இருந்தது!

இவ்வளவு விவரமா சொன்ன பிறகு தண்டிக்க எப்படி மனசு வரும்!

கிறுக்கலை, இல்லை இல்லை, ஓவியத்தை ரசித்தேன்.

2 comments:

goma said...

கிறுக்கினவனைக் கெட்டிக்காரத்தனமா கண்டு பிடிச்சீங்க,
நான் அதை ரசித்தேன்.

HVL said...

நன்றி goma!