5.11.10

யார் புத்திசாலி ?

எனக்கு மெயிலில் வந்த ஒரு ஜோக், தமிழில் இங்கே,

ஒரு பெண் மலையேறிக் கொண்டிருக்கும் போது ஒரு கல் தடுக்கி விழுந்தாள். உஷ்ஷ்ஷ்ஷ்ஷ். . . . கல் ஒரு தவளையாக மாறியது.

தவளை: மிக்க நன்றி பெண்ணே! உன் தயவால் நான் சாப விமோசனம் பெற்றேன். உனக்கு மூன்று வரங்கள் தருகிறேன். என்ன வேண்டுமோ கேள்!

பெண் சற்று யோசித்தாள்.

தவளை: ஆனால் ஒரு நிபந்தனை, உனக்கு என்ன வரம் கிடைக்கிறதோ, அதே போல பத்து மடங்கு உன் கணவனுக்கு கிடைக்கும்.

பெண்: சரி, நான் உலகிலுள்ள எல்லா பெண்களையும் விட மிக அழகாய் மாற வேண்டும்.

தவளை: பெண்ணே நன்றாய் யோசித்து கேள்! உன் கணவன் உன்னை விட பத்து மடங்கு அழகனாகி விடுவான்.

பெண்: இருந்தாலும் உலகிலேயே அழகான பெண் நான் தானே! அவனுக்கு என்னைத் தவிர வேறு விதி இல்லை.

தவளை: அப்படியே ஆகட்டும்!

ஷ்ஷ்ஷ்ஷ்ஷ். . . அவள் உலகத்திலேயே மிகச் சிறந்த அழகியாக மாறினாள்.


தவளை: சரி, இரண்டாவது வரம்!

பெண்: நான் உலகின் மிகப் பெரிய கோட்டீஸ்வரனா(ரியா)க வேண்டும்.

தவளை: பெண்ணே நினைவிருக்கட்டும்! உன் கணவனிடம் உன்னை விட பத்து மடங்கு செல்வம் அதிகம் இருக்கும்.

பெண்: பரவாயில்லை, மொத்தப் பணமும் என்னுடையது தானே!

தவளை: அப்படியே ஆகட்டும்.

ஷ்ஷ்ஷ்ஷ். . . .

தவளை: சரி, அடுத்தது!

பெண்: எனக்கு ‘மைல்ட் ஹார்ட் அட்டாக்’ வர வேண்டும்!

நீதி: பெண்கள் புத்திசாலிகள். அவர்களிடம் மோதினால் ‘பகிளு பிகிலூதி செவுலு அவலாயிடும்’.

நீங்கள் பெண்ணாயிருந்தால் உங்களுக்கு BYE! BYE! நீங்கள் இதற்கு மேலே படிக்க வேண்டாம்.

இனி ஆண்களுக்கு:

அந்தப் பெண்ணின் கணவனுக்கு, அவளை விட பத்து மடங்கு மைல்டா’ன (குறைவான) ஹார்ட் அட்டாக் ஏற்பட்டது!

நீதி: பெண்கள் தங்களை புத்திசாலி என்று நினைத்தாலும் உண்மை அதுவல்ல! அவர்களை அப்படியே நினைக்கவிட்டு, நீங்க எஞ்ஜாய் பண்ணுங்க!

பி.கு: நீங்கள் ஒரு பெண்ணாயிருந்தால், 'பெண் சொன்ன பேச்சைக் கேட்பதில்லை' என்பது நிரூபணமாகிறது. அதனால் தான், நான் படிக்க வேண்டாம் என்று சொன்ன பிறகும் படித்துக்கொண்டிருக்கிறீர்கள்.


4 comments:

யோகன் பாரிஸ்(Johan-Paris) said...

தீபாவளி வாழ்த்துகள்.
நல்லா இருக்கு!

HVL said...

நன்றி யோகன்!

Charu said...

I enjoyed it!

goma said...

: நீங்கள் ஒரு பெண்ணாயிருந்தால், 'பெண் சொன்ன பேச்சைக் கேட்பதில்லை' என்பது நிரூபணமாகிறது. அதனால் தான், நான் படிக்க வேண்டாம் என்று சொன்ன பிறகும் படித்துக்கொண்டிருக்கிறீர்கள்.


அப்படிப் போடு அறிவாளை