25.11.10

இதெல்லாம் உண்மையா நடந்தது . . .

சில நேரத்தில சில பேர் செய்யறதெல்லாம் காமெடியா இருக்கும்.

இப்படித்தான் கணேஷ ‘கடைக்கு போய் அவில் மாத்திரை வாங்கிட்டு வா’ன்னு (ஒரு பத்து வருஷத்துக்கு முன்னால) சொல்லி அனுப்பினேன்.

‘மாத்திரை இல்லை’ன்னு சொல்லி திரும்பி வந்தவன்

‘ஏங்க்கா மாத்திரையோட பேர் என்னன்னு சொன்னீங்க’ ன்னு கேட்டான்

‘அவில், நீ என்னன்னு போயி கேட்ட?'ன்னு கேட்டதுக்கு

‘அவியல்ன்னு கேட்டேன். அது தான் கடைகாரன் அப்பிடி பார்த்தானா?’ன்னு என்னையே திருப்பி கேட்டான்.

________________________________________________________

ஒரு முறை கணேஷ அழச்சுகிட்டு காசிக்கு டூர் போயிருந்தோம்.

ஒருத்தன், வாழைப் பழத்த ‘பாஞ்ச் ருப்யே, பாஞ்ச் ருப்யே ’ன்னு வித்துகிட்டு இருந்தான், ரெயில்வே ஸ்டேஷன்ல.

இவன் போயி ‘தஸ் ருப்யே’ன்னு பேரம் பேசிகிட்டு நின்னான். இவன தனியா கூப்பிட்டு கேட்டதுல

‘பான்ச் ருப்யேன்னா பாஞ்சு ரூபான்னு நெனச்சுகிட்டேன்க்கா’ ன்னு சொல்றான்.

இப்ப மாறி இருப்பான்னு நெனக்கிறேன்.

________________________________________________________

போன வாரம், என் தோழி வித்யாவப் பார்த்து பேசிகிட்டு இருந்தப்ப

‘ஏன் டயர்டா இருக்கீங்க?’ன்னு கேட்டேன்.

‘நைட்டெல்லாம் தூக்கமே இல்லை’ன்னு சொன்னாங்க.

‘ஏதாவது பிரச்சனையா?’ன்னு அக்கறையோட விசாரிச்சேன்.

‘எங்க கூட ரூம்ல ஒரு ‘பேர்(bear)’ தூங்குது, அதான்!’

அவங்க பொண்ணு டெட்டி பேர கட்டி புடிச்சுகிட்டு தூங்கும் போலன்னு நெனச்சுகிட்டு, ‘பேரா?’ ன்னு கேட்டேன்.

‘ஆமா , என் வீட்டுக்காரர் தான், இப்பல்லாம் கொரட்ட சத்தம் தாங்க முடியல’ன்னு சொன்னாங்களே பாக்கணும்.

இன்னமும் நெனச்சு சிரிச்சிகிட்டு இருக்கேன்.

3 comments:

பத்மா said...

hehehehe

Charu said...

:-)

goma said...

வாழ்க்கையில் அன்றாடம் நாம் ரசிக்கும் சில சின்னச் சின்ன காமெடிகள்...நல்லா தொகுத்து தந்திருக்கீங்க....