23.3.11

டின்னர் வித் ஆவி!!!!!




அப்போது பத்தாவது படித்து கொண்டிருந்தேன். ஹாஸ்டல். எதையும் முயற்சித்துப் பார்க்க வேண்டும் என்ற ஆர்வம் நிறைய இருந்தது. அப்போதுதான் ஆவியோடு பேசுவதைப் பற்றி கேள்வி பட்டோம்.

ஒரு நாள் இரவு, ஐந்து பேர் சேர்ந்துக்கொண்டு சாக்பீஸ் எடுத்து கட்டம் கிழித்து A B C D 1 2 3 YES NO எல்லாம் எழுதிக்கொண்டோம். கதவையெல்லாம் சாத்திக்கொண்டோம். விளக்கையும் அணைத்துவிட்டோம்.

இரவை எதற்கு தேர்ந்தெடுத்தோம் என்றால், வார்டன் மற்றும் அவருடைய வலக்கைகளிடம் மாட்டக் கூடாது இல்லையா? சீனியர், ஜீனியர்களின் பூஜைவேளை இடையூறுகளை தவிர்க்கவும் தான். ஏதாவது ஏடாகூடமாக ஆயிற்று என்றால் என்ன செய்வது? அதற்காக தான் ஐந்து பேர்!

டம்ளரை கவிழ்த்து வைத்து, இரண்டு பேர், அதன் மேல ஆளுக்கு ஒரு விரலை வைத்துக்கொண்டோம். டம்ளருக்குள் மெழுகுவர்த்தி ஏற்றி வைத்த ஞாபகம் இல்லை.

எந்த ஆவியைக் கூப்பிடுவது என்று குழப்பம். அந்த நேரத்தில் எங்கள் வீட்டுப் பக்கம், இறந்து போன நெருங்கிய சொந்தம் யாரும் இல்ல, அதனால் தோழியின் அம்மாவைக் கூப்பிட்டோம்.

'வந்துட்டீங்களா?' என்று திரும்ப திரும்ப கேட்க டம்ளர் YESக்கு நகர்ந்தது. கண்டிப்பாய் என் தோழி ஒற்றை விரலை வைத்து அவ்வளவு வேகமாய் நகர்த்தியிருக்க முடியாது. பக் பக் பக். . . இருந்தாலும் அதைவிட ஆர்வம் அதிகமாய் இருந்தது.

கேள்விகளை முன்பே யோசித்து வைக்காததால் எங்கள் பெயர்களைக் குறிப்பிட்டு பத்தாவது ரிசட்டை கேட்டோம்.

கொஞ்சம் நேரம் கேட்டதற்கு ஒழுங்காய் பதில் வந்தது. சற்று நேரத்திற்கு பிறகு ஆவியின் பதிலைப் பெற ஒவ்வொரு கேள்வியையும் இரண்டு மூன்று முறை கேட்க வேண்டியதாய் இருந்தது. அதற்கும் பதில் சம்பந்தமில்லாமல் வந்தது. அதாவது மார்க்கை குறைவாக சொல்ல ஆரம்பித்தது அல்லது ஒருவர் மார்க்கை இரண்டு முறை கேட்க வேறு வேறு பதில்களைச் சொன்னது. (ஒரு வேளை அதை சந்தேகப்படுகிறோம் என்று கோபம் வந்திருக்குமோ!) ஆவிக்கு ஏற்பட்டிருக்கக்கூடிய களைப்பு புரிந்தது.

சரியென்று அந்த ஆவிக்கு விடை கொடுத்து விட்டு யாரைக் கூப்பிடுவது என்று யோசித்தோம். கேன்சரில் இறந்து போன என் ஒன்றுவிட்ட பெரியம்மா அப்போது தான் ஞாபகத்திற்கு வந்தார். எனக்கு அவருடன் (உயிரோடு இருந்த போது)பேசிய ஞாபகம் இல்லை! இப்போது முயற்சி செய்தோம். எல்லோரிடமும் பேசினார்.

பிறகு காந்தி தாத்தா! நேரு மாமா . . . இறந்து போனதாய் தெரிந்த அனைவரையும் கூப்பிட்டோம்.
கூப்பிட்ட அனைவரும் வந்தார்கள். அல்லது வந்ததாக நினைத்துக் கொண்டோம்.
கேட்ட கேள்விகள் நினைவில்லாவிட்டாலும் விரலுக்கடியில் டம்ளர் நகர்ந்தது மட்டும் ஞாபகம் இருக்கிறது.

திடீரென்று வார்டன் வருவதாய் யாரோ புரளியைக் கிளப்ப, டம்ளரை சரக்கென்று இழுத்து, கட்டங்களை பரபரவென்று அழித்து விட்டு போர்வைக்குள் சுருண்டுக் கொண்டோம். கடைசி ஆவிக்கு சரியானபடி விடை கொடுக்காதது மனதை என்னவோ செய்தது. அது அங்கேயே சுற்றியதாக ரொம்ப நாளைக்கு நம்பினோம்.

அதே போல விடுமுறையில் வீட்டுக்கு வந்த போது பெரியவர்களுக்கு தெரியாமல், டம்ளருக்கு பதில் ஒரு ரூபாய் காயினை (இதில் ஒற்றை விரலை மட்டுமே வைக்க முடிந்தது. அதனால் மற்றவர்கள் வேடிக்கை பார்க்க மட்டுமே!) வைத்து முயற்சி செய்திருக்கிறேன். தங்கையை சேர்த்துக் கொண்டேனா என்பது நினைவில் இல்லை.

தோழியின் அண்ணனிடம் ரகசியமாய் சொல்ல, பேப்பரை சிறிய உருண்டையாய் உருட்டி காசைத் தொடும்படி வைத்தாலும், காசு நகரும் என்றான். ஆனால் அதை அவனால் நிரூபிக்க முடியவில்லை.

இப்போது போல இருந்தால், அந்த நிகழ்வை மேலும் ஆராய்ந்திருப்பேன். சைக்கோ சொமாட்டிக் என்று ஏதாவது காரணம் கண்டுபிடித்திருப்பேன். அப்போது ஆவிகளின் மேல் நம்பிக்கை இருந்தது.

ஆனால் பத்தாவதில் ஆவி சொன்ன மார்க்கை விட ஐந்து மார்க் அதிகம் பெற்றேன். ஹாஸ்டல் வாழ்கை அந்த வருடத்தோடு முடிந்ததால் தோழிகளுடையதைப் பற்றி தெரியவில்லை.

இப்போது ஆவிகளின் மேல் நம்பிக்கை இல்லை என்று சொல்லிக் கொண்டாலும், இதை முயன்று பார்க்க தயக்கமோ, பயமோ ஏதோவொன்று தடுக்கிறது.





14 comments:

Chitra said...

நல்லா கிளப்புறீங்க பீதியை!

goma said...

இதுக்குப் பேர்தான் இளங்கன்று பயமறியாது....பேயும் அறியாது...
’போர்டு பார்ப்பது’ என்று என் உறவினர்கள் செய்து, கேட்டிருக்கிறேன்...

goma said...

எனக்கெல்லாம் ,காஃபி வித் ஆவி ரொம்ப பிடிக்கும் ,
ஆனால் ஆவிக்குக் காஃபி பிடிக்குமா....
அதுவும் ஆவி பறக்க .....

சமுத்ரா said...

hmmmmmmmmm

ஸ்ரீராம். said...

சுவாரஸ்யம்தான்...

HVL said...

நன்றி சித்ரா,goma, சமுத்ரா, ஸ்ரீராம்.

Charu said...

Yep, your sister also had played it once with you! :D

One of my friend narrated her story a few years ago. She was playing with her cousins and her sister when they were doing higher secondary studies. She was the oldest among them. When they were very seriously playing this, my friend suddenly made a scary sound as if some real ghost has come. Hearing that, one of her cousins fainted. Later everyone had hidden the fact that this girl made sounds like ghost. Till date that cousin of my friend is believing that some ghost got angry and interfered in their game :-)

HVL said...

@ charu
Poor cousin! I can't think this as a game. I wish I could try this and find out if the tumbler can move by itself now!

நையாண்டி மேளம் said...

ஆகா...கேட்கவே ஆர்வமாக இருக்கு

HVL said...

நன்றி நையாண்டி மேளம்

கமலேஷ் said...

)))))))))))-

HVL said...

நன்றி கமலேஷ்

Lakshmi said...

நல்லாதான் ஆவி பிடிச்சீங்க.

HVL said...

நன்றி Lakshmi அம்மா!